باب الخلاص ع الخالق
بس الله يفتح له
ويا بخت من نال الرضا
وبعطفه لمح له
إوعاك تميل للحيطان
اللي الورق توبها
وإياك تقول
إن السند إنسان
كترت ذئاب البشر
وسنت مخالبها
الأرض دارت وشها
من كتر بذر السوء
والتوبه قاعدة بإنتظار
ومفتحه أبوابها
يا عطاشنين للمحبه
الله سميع ومجيب
إزرع بخيرك دنيتك
وقت الحصاد مش يوم
تحلي الحياه بمحبتك
ما تلاقي أي غيوم
لما تضيق روحك أوي
إجري إليه وإشكي
باب الخلاص ع الخالق
بس اللي يفتح له
ويابخت من نال الرضا
وبعطفه لمح له
