الشاعر : ثروت حنين
شيلوا اليفط الكدابه اياها بتاعت وزاره التعليم وحطوا مكانها حاجه تليق بيها اكتبوا عليها مثلا وزاره الظلم والتحطيم .. يعنى ايه اكون شاطر وطول السنه بذاكر ومجموعى ف الاخر 60 دا انا لسه السنه الى عدت كنت جايب فوق ال 90 طب نشتكى لمين ومن يقرا ومين يسمع دبحونى بالسكاكين وحرمونى حتى افرح طب نعمل تظلم واشتكى للمعلم يقول هى دى نتيجتك مفيش مراجعه والكلمه قسما بالله ماراجعه واياك اسمع تانى حسك يعنى ايه امشى ودموعى على خدى ويضيع قصاد منى حقى انا من حقى امتياز وانا واثق من نفسى يا وزاره الاستفزاز انا مش فاشل الفاشل الى صحح والغبى الى بيراجح شكله كان سكران وقلب عليا كل المواجع انا كرهت التعليم يا بلادى والظلم فيكى شى يخنق ضيعتى احلامنا ولساكى معاندانا اشمعنا احنا بنحبك وانتى كرهانا انا مش هحبك تانى ومن دلوقتى متلزمنيش وانتى مش امى الام بتكون حنونه على اولادها مش بيهون عليها دموعهم مستنى ايه يا حضره الناظر منى اعيد السنه وكله من العمر ولا ارضى بنصيبى ولله الامر انا مش اول ضحيه ولا انا الاخر فى وزاره بهيه فكرت 100 مره ارفع قضيه نصحونى الناس وقالوا .. مفيش فايده ..
