بقلم .عزه فارس محمود
شهيد.. من تحت التراب بناديكي
ولا في شئ تاني باديه
رصاص الغدر كان ليكي
وانا لابي ولا عليه
هو انتي الي مجني عليكي
ولا انا الي مجني عليا
مصر… قتلني صوتك من تحت التراب
ولا عارفه افكر ولا عارفه ارتاح
نام يا شهيد وانسي العذاب
ده اخر كل ليل هيجي صباح
انا مصر ام الحبايب
ليه ابني اتولد شايب
اصل احنا في زمن العجايب
الدم بقي علي المياه سايب
والفكر تايه والقلب هايب
انا مصر ام الحبايب
يابني الدنيا وخداني علي فين
شربت منها مر السنين
صامدين ومش عارفين
صابرين ومش لاقيين
ولاخر المشوار ماشيين
الشهيد… من تحت التراب بناديكي
يا احلي ام واغلي ام
وعمري بقي ثمن ليكي
خلي ترابك علي جسمي يحن
ومهما طال الزمن بينا
صدرك عليا اكيد هيضم
مصر… انا مصر ومش لازم اتكلم
ومجدي علي الشعوب معلم
والي يغدر بيا النهارده
اكيد بكره هيسلم
اانا مصر ومش لازم اتكلم ……..
