مدينة 15مايو بدون أمن بدون أمان غائبة عنها الرقابه

كتبت : فاطمة أحمد
مدينة 15 مايو مدينة غائبة عن أرض الواقع غياب أمنى عن 15مايو لمصلحة من؟
البلطجة ورعب السكان من قبل البلطجية وغياب الدور الأمنى وهذه قصة واقعية من عشرات القصص التى تحدث يوميا
تقول : ف أ انا طالبة في الجامعة ارسل نداء استغاثة .. بعد أن اعترض عدد من البلطجية طريق اختي ووالدتي في مدينة ١٥ مايو وسرقوهم تحت تهديد السلاح داخل ميكروباص ثم ألقوا بهم عند منطقة مقابر هناك ..
وهذا نص ما قالته :
المشكله وما فيها ان احنا بنشاور للميكروباص وبنركب .
عادي ركبنا وحصل ان شخص من اللي في الميكروباص قعد جنب امي و اختي ورفع مسدس علينا وجري بالعربيه وضرب نار في الهوا كتهديد ..
اختي عندها ١٣ سنه , و جري بيهم عند طريق المقابر من الساعة ٦ لحد ٧:٣٠ بيلف بيهم .. أخد منهم الذهب كله و الفلوس و رماهم .
و عملنا محضر في القسم برقم 8424جنح قسم 15مايو لسنة 2015وطلعوا البومات صور مطلعش فيهم المجرم .
الصوره طلعناها من علي تليفون الظابط .. لانه كان معاه صور لمجرميين تانيين ..
و قال إن ده مسجل خطر و مش قادريين نمسكه وبيتنطط في كل مكان شويه .
طب احنا نعمل ايه ؟ مش محتاجين ولا عايزين دهب و لا فلوس .. الامان بس .. ولحظات الرعب اللي اتعاشت ديه .. يرضي مين ؟ والظباط محدش فيهم اتحرك ولا أخد أي خطوه ايجابيه .. قوللنا نعمل إيه الحمد لله رينا سترها علينا .
الله اعلم لو كان حصل مع ناس تانيه كان ايه اللي حصل
اغيثونا مفيش أمان و لا أمن عندنا في مدينه ١٥ مايو .
واتسأل : إلى من تتجه .. وماذا تفعل ؟
حالة من الرعب تسيطر على الجميع بكل أسف
نرجو من السادة المسؤولين حمايتنا وتوفير الأمن والأمان لمدينة 15مايو .
و نرجو محاسبه كل من يخطئ .