بريشة : شيماء اليوسف
كانت البدايه من هنا
وكنا يدوب قريبين
كلمه حلوه ونظرة عين
سكت الليل عن الغنوه
عزف الكون مواويل
دق الباب ونادى
فرش الورد على الجبين
ومشينا فوق الخطاوي
تايهين ومش تايهين
يا قلبي قولي مالك
أيه اللي شاغل بالك
ده الشوق لحالك حزين
وتنادي عليه يجرحنا
يا سيدي شويه فرحنا
ده إحنا غلابه ومساكين
وأسكت على حالي
وأداري
يا ساكن روحي وخيالي
تغيب عن العين لفين
مشيت ورايا ومش حاسه
مراقبني لحظه بلحظه
وأشتكي منك مش
عارفه
عاشق يا عيني وعارفين
أكتبلك الفرح تحيه
وأبعتلك أيامي هديه
وأوهبلك ضي السنين
جبت معاك كل الأحلام
ورسمتلي الدنيا سلام
غنتلي كل العناوين
وأنا من غيرك أروح لمين
يا شاغل القلب
بنظرة عين
