أهلا رمضان

كتب – علي تمام

رمضان قرب اعمل حسابك
أكل ومعازيم كتير خلي بالك
متعلش هم حاجه على الله الكفاية
أدى الفرائض. تسبيح وصوم وصلاة …
تراويح وقيام في الليل وتسحيرة
خلي يومك كله استغفار نهاره وليله
وان سألك فقير محتاج اديله
إلى رزق الخلق قال رزقكم في السماء وما توعدون
صل ارحامك تصلك مرادك
وخلي السماحة جواك وقدامك
واملا قلبك بالخير ونول رضا ربك
اغسل همومك بالصوم تزيد حسناتك
رمضان كريم وربك علي عبادة اكرم
انفق كتير في الخير تكون للناس اكرم
عود لسانك علي ذكر الله
واستغفر ما صابك من خطايا
شهر رمضان اوسطه الغفران
وادعي ربنا رحماك دا اوله رحمة
شهر كريم كل عمل فيه زايد
افشي السلام علي الي ماشي
وافشي السلام برده علي الي قاعد
دا السلام لله وثوابك عليه قاعد
بنك حسنات سنوي املأ خزينتك
كل حسنة فيه بتتضاعف ليك تملا خزينتك
وتمحي سيئات كتير ليك
انا بشكر ربنا علي رمضان وبدعيك
تصوم رمضان وتحمد ربنا صيامك كله ليك