من اول ما وعيت على الدنيا ولاقيتك

كلمات : احمد ابراهيم

من اول ما وعيت على الدنيا ولاقيتك
لو كنت بعرف اتكلم كنت قلت ان انا حبيتك
اصل فى ناس بنحبهم
وقلوبنا شابكه فى قلبهم
ولما بنقرب منهم بيسحرونا بطبعهم…
انا من زمان بحلم بيكى
وعنيا بتحب عنيكى
وفى يوم حلمت ان انا ماسك القمر بأيد
والنجوم بالأيد التانيه
وكأن القمر وشك وبرسم بالنجوم
ملامحك الهاديه
وكأن عنيكى بتنور لقلبى طريقه وتشيل الضباب
وكأنالشمس خدك وشفايفك السحاب
وكأن سنانك لولى والمرمر هو الناب
انا محتاج ابص فى عنيكى علشان اعرف ايه جوايا
انا محتاج تقوليلى احساسك ماانتى ليا مرايا
انا محتاج افضل جنبك وعنك ما اقدرش اغيب
انا محتاج احب حبك دى وصفه من الطبيب