كلمات الصدق
فارس الليل الحزين
محمد عطية محمد

بقول للبحر علي سري

وأفضفض وأحكيلة الحكايات

وأنا علي الشط مستني

وبغزل من حنيني سكات

موجه يخدني في حضنه

وأتوه في عالم الأسرار

شريد فكري وأنا جمبه

وحيد روحي غريب الدار

بتغرق موجه ورا موجه

وتسرق مني أحلامي

وقارب حلمي بيبعد

وأتوه علي البر وحداني

يابحر روحي بتروحلك

قريب مني نديم الروح

وبفتح قلبي وأرتحلك

عاشق في الهوا مدبوح

يطول ليلي وأنا سهران

دموع عيني علي خدي

بلا مرسي بلا عنوان

يابحر معاك بعيش عمري