شعر : وداد الهواري
باتعَلمْ مِنَّك
أحياناً
إزاي الصبر
والكِلمة إن وقعت
مش ممكِنْ
بالسهل تمُرْ
والحُب بيخنُق ، وبيقتِل
لو عاش بالأمرْ
باتعلِمْ مِنَّك
أتمرَّد لحظــات القهــــــر
أتجنن ، وارقص ، وأغنى…،
أو أصرخ …. شِـــــــــعر
يشـــــــرب ف دموعي
وأحزاني
وأحلى المُـــرْ
باتعَّلمْ مِنّك
أستهـــــــزأ واضحك ع الفقـــر
وأغازل بكرة ف أحــــــلامي
مع إنه مكســَّـر ف عضامي
من أول ولآخــر الخــــط ….
بيصرَّخ ويفوت قدامــــــــي
وبيســــــــرق عُـمــــــــر
الدرس أكيد …
كان له معنى
وبيخطف روحنا ، ويوجعنا
ياللي إنت بكلمة بتخدعنا
إزاي طب كنت بتجمعنا
ولا كنتش أبداً تتعــــــــلِمْ
إزاي الصبر
والكلمة إن وقعت مِش ممكن
بالسهل تمُر ،
والحُب بيخنق ، وبيقتل
لو عاش بالأمــرْ