كلمات :ضيا طحاوي

إكتملت الصورة
بحقيقة كاملة الأركان
عيش الحياة باليوم
صدر لها النسيان
تخضع لقوانين سكتك
دوق عالم الفصلان

اللي حسب للدنيا
عايش يركع لها
يسرق حياته الخوف
ماشي ورا ضلها
واخد يكون تباع
غفلان عن الحكمة
غرقان مع التوهه
مش راضي بالقسمه
يبني حيطان سجنه
طوبة من العصيان
التانيه من كدبه
روحه حبيسة كف
جواه يضيع عمره
ندمان علي إمبارح
شايل هموم بكرة
بالذكريات سارح
وقت الشروق عداه
محروم من النسمه
ساعة الغروب دنياه

إكتملت الصورة
بحقيقة كاملة الأركان
عيش الحياة باليوم
صدر لها النسيان
تخضع لقوانين سكتك
دوق عالم الفصلان