الآعلاميه وسام خاطر تكتب , عشقى أنت وجنونى

عشقي انت وجنونى
كل واحد فينا نفسه يعيش حياته مع الانسان اللي يختاره قلبه ويقتنع بيه عقله .

بس مش في كل الاوقات القلب والعقل بيحب

مع علي نفس الشخص . لكن العقل عملي والقلب عاطفي .

ووقتها الانسان بيفكر ويقيم يكمل ولا لأ كله  حسب ميوله اذا كان عاطفي او عملي .

وهنا بيكون القرار قرار الانسان سواء يكمل او ينهي العلاقة .

بس الكارثة الاكبر لما يكون القلب والعقل متفقين وراضين بنفس الشخص بس الظروف هي العقبة . بيكون الاختيار صعب نكمل ولا لا.

في ناس كل ما تقرب القدر يبعدها .

وناس كل ما بتبعد الظروف تقربها .

حكايات ملخبطة مش معروف بدايتها ولا حتي نهايتها.

تحس انها كوكتيل فرح وحزن وجنون ورزانة.

اوقات كتير نقول خلاص كفاية كده ونبدا من جديد مع ناس جديده.

لكن للاسف بتلاقي نفسك واقف عندهم وكانك قدرهم وهما قدرك .

ازاي ما تعرفش. ترجع تاني تفكر وتفكر وبرده تفكر وتراجع كل التفاصيل الصغيرة والكبيرة.

وكل حرف وكلمة. ممكن تساعدك انك تاخد القرار بالبعد.

واحتمال كبير تستحمل وتكمل اصل اللي بقلف القلوب رب القلوب

لا بأيدك ولا ايدي. كلنا مصيرين ومخيرين يا سيدي.

امتي تاخد القرار وتقدر تنفذ ده مش بخاطرك ولا خاطري.

ده مكتوب علينا من يوم ما بدا خلقك. تحس وتعيش وتحب وتعشق

ويمكن كمان تتيم بالحب لدرجة انك تكون قلبه اللي جوه جسده وهو يكون روحك اللي بين ضلوعك. لكن تبقي لعبة القدر تلعب بينا تجبنا وتودينا.

تضحكنا وتبكينا. وتمر الايام وتفوت السنين ويبقي نبضك جرح وانين.

يوجع فيك بس انت في منتهي السعادة لان بيفكرك بنبض قلبك وجزء من ايام كنت فيها سعيد وعمر كان قلبك مجبور فيه.

بس يبقي السؤال انت فين وهو فين.؟!

جاوب بقي يالي عليك العين. وقولي اخترت ايه وبقيت فين!!!!!!!