الشاعر / طه السواح خاطر يكتب , فى شرع مين ؟

قصيدة في شرع مين / عامية ………….

ف شرع مين !!

أعيش مصلوب على بابك

واسمي منقوش في كتابك

ملك وله سلطان

وعزه وجاه ف شرع مين !!

أعيش محروم من خيرك

أنا أبنك أنا سندك وضميرك

وكل يوم بأعيش مليون مأساة ف شرع مين !!

أودع كل يوم ورده من البستان

واعيش غلبان والناس تقول عني ده كان انسان

وربه بلاه ف شرع مين !!

اكون منك واعيش منبوذ

وانا لحنك وموالك

وابن شرعي ف عيالك

وسيباني للوجع والأه ف شرع مين !!

ابات عطشان وانا نيلك وابات محروق بنار ظلمك وحرمانك

انا واريـثـك الشرعي .؟

منا حصنك . وليكي بر نجاة