أنا العاشق … وأنا المعشوق

الشاعر : محمود شوقي

أنا ال طاير بيكى

فوق حدود أرض الخوف

بقولها ومن غير كسوف

ملعون ابو اى ظروف

تخلينى يوم اشوف

الدمعه فى عينيكى

لمى المناديل مانيش عويل

ولا هقبل يوم اشوفك مكسوره

وأديكى على حبى أكبر دليل

فى محفظتى ليكى صوره

لسه بحكى وبتحاكا عنها

لسه شايل جوايا منك ذكرى

فى قلبى محفوره

أنا العاشق وأنا المعشوق

أنا ال طاير بيكى فوق

حدود أرض الخوف

أنا جندى من جنودك

سال دمى على حدودك

أنا عاشق جبروتك

وكارهك لحظة سكوتك

أنا الدفعه انا الدفه

أنا السفينه والمركب

واكيد انتى لساكى فاكره

فى أكتوبر كنت بكتب

كنت عايش وسط نار

وكنت حاسس بانتصاار

أيوه كانت أيام صعيه

أيوه كانت ايام مرار

والفخر كل الفخر ليا

بعد كل السنين ديا

بعيش لحد النهارده شاهد

على تاريخ أبطاااال

أنا العاشق وانا المعشوق

أنا ال طاير بيكى فوق

حدود أرض الخوف