شعر عامى بعنوان ( نسيت حبك )
بقلم / شيماء خليفة
عديت الف بحر وبحر
ولا لقيت لشطك مرسى
سافرت كل بلاد الحب
ولا عرفت فى يوم ارسى
نفسى مره واحده اهدى
نفسى لنار الالم انسى
*********************
كتير عديتلك كلام
بس كفايه تعبت بجد
ليه مش راضى تحس بيا
ليه مبقتش تحس بحد
اتكلم معاك و فى ثانيه
القى ردك بقى كله صد
*****************
فوق بقى كفايه جراح
انا قلبى مبقاش متحمل
وانت تدوس بقوه عليا
والقسوة عليا تكمل
لو هتفضل تجرح فيا
يبقى خلاص لبعدى اتحمل
***********************
ليه عمال تعذب فيا
كنت عملت لقلبك ايه
تقسى وتظلم وبتتكلم
ايه اللى انت بتتكلم فيه
غبت عليا سنين وسكت
وعمرك كله انا عشت ليه
جى دلوقتى تقرب منى
حبى ليك انا قلبى نسيه
**********************
أقرأ التالي
14/05/2022
المعرض الأول للفنانة التشكيلية ايناس اسماعيل بساقية الصاوي
13/06/2021
«فن وعلم وإبداع مجسم المسجد الأقصى المبارك»
20/04/2021
الكاتبة والمفكره . امال زهير / كتاب براءة القران من أكذوبة إسمها الحجاب
17/02/2021
نغوشة_ حبه للكاتبة والأديبة المتميزه هويدا احمد
02/01/2021
مواهب فنيه من دمياط تتألق في سماء الفن
02/01/2021
فنانين يتحدوا الصعاب حلقوا باحلامهم الي عنان السماء
