بقلم محمد محزم
مسحراتى بأغنى الأهه
وأقول بعود ه يا شهر الصوم
الأوله للنبى
والتانيه مصر
والتالته أبو النجوم
*****
الأوله يا نبى بجمالك
سبيت العقول والفهوم
ورفعت راية الحق
غصب عن كل غشوم
وربيت أحبابك على
نصرة المظلوم
******
والتانيه مصر
أم الفنون والعلوم
ومكانها بين الأمم
كشمس وسط النجوم
وكام محتل جاها وانتهى
وفين راح قمبيز ويا قيصر الروم
وفضلت بهيه عفيه
تزيد حلاوتها يوم ورا يوم
**********
والتالته أبو النجوم
عشق بهيه الولد
واصبح بحبها مهموم
شاقها فى عزه الحبيبه
وفى نواره إنتصار محتوم
شافها فى الحسين شجاعه
وفى السيده الصبر عالمقسوم
ييرقص فى فرحها كمجذوب
وساعة الشده يغتى
موال الصمود منظوم
****************
وأخر كلامى كما أوله مفهوم
أزكى الصلاة على شيخى وعترته
أهل السماحه والإشراق والعلوم
رمضااااااااااااااااااااااان كريم
