كتب – رياض حجازي
امبارح كنت بتفرج علي حلقه أحمد الشقيري مع شريف عامر
كميه الطاقه والأفكار اللي تطلع بيها من الحلقه تكفيك سنين قدام بالمناسبه الشقيري مكانش بيصلي وكان بيعمل غلطات كتيييير اوي واتجوز وفشل اتجوز تاني فضل فتره تايه في حياته
في النهايه الدنيا عجنته وعملته خلطه طلعت في الآخر رجل بأمه وخد أفضل شخصيه مؤثره في العالم العربي
متقعدش بقي تقول انا فاشل وخلاص كبرت والهري ده تاني
علي ما تذكر شيخ المحدثين والعلماء العز بن عبد السلام كان شخص عادي وهو 53 سنه بدأ يتعلم مات 62 هو شيخ العلماء وكبيرهم
من أجمل الأفكار اللي طلعت بيها من الشقيري تحدي التلاتين يوم انك تتحدى نفسك في حاجه معينه لمده شهر مثلا لغه جديده او كمبيوتر اوتصويراو تكتب في مجال انتا بتحبه والتحدي ده في الآخر تجمعه في 3 دقائق بس كده لاء مش بس ممكن ابعتو الشقيري في برنامج قمره عشان ممكن تكون من الناس اللي هتكسب وتقابلو في الحفله غير الفلوس اللي هناخدها
خلو ليكم قدوه في حياتكم اكتر من شخص كل واحد قدوه في ما حاجه عشان محدش كامل
قدوتي الشقيري في نفع الامه والناس والخير
لازم تبتدي.
لازم تتحرك.
