كتب / رؤوف قــــنــــش
وصل الحال بمستشفى ميت غمر العام بالمنصورة بأن حالها لايسر عدو ولا حبيب حيث أكوام من القمامة تكون فى إستقبال المرضى أمام بوابة العيادة الخارجية والمسئولين فى غياب تام وكأن المستشفى بدون مسئول ويبدوا أنة لم يرى المنظر البشع المرضى ليس لهم أى إعتبار بهذا الشكل طالما أن الأمور تسير فى طبيعة ولو حضر مسئول ما إلى المستشفى لكان الأمر قد تغير للأفضل لإستقبال المسئول أما المرضى يذهبون للجحيم نكشف المستور ونضع إشارة ضوء على الإهمال الذى تفحل ووصل للذروة ماذا قال المواطنين عن هذة المهزلة ؟ وهل هناك من مسئول يتحرك ؟
فى البداية قال الأستاذ محمد صلاح لو المسئول شديد وإدارات الأحياء قويه ماكنش حصل كدا المسئول ينبه على عامل البوابه أو يقوم بشكوى للحى والحى يقوم بدوره بتوقيع غرامات شديدة على من يلقى بالقمامة فى غير المكان المحدد لها وأضاف وليه مانكش زى اوربا ولا إحنا بس نقلدهم فى مظاهرنا الخارجيه التى لاتليق بنا كشعب شرقى وقال منظر حصل أمامى فى الجزائر أحسست ساعتها أننا فى مصر عايشين فى غابه كيس صفير لايتعدى حكم كيس الشيبسى الكبير به زباله بسيطه واذا بالشرطه إللى راكب موتسيكل يرن جرس الباب ويقول 100 دينار غرامه فقلنا له وبصدق هذه ليست لنا فقال ولكنها امام بيتكم العقاب عقاب ميزعلش نحن نتقى الله فى انفسنا بس سيزيد هذا الاتقاء بالعقاب نحتاج لثورة تصحيح مع النفس يعقبها ثورة ضمير .
ويقول الأستاذ وائل السيد دي مستشفي والله حرام أساسا أنا لما بشوفها من بعيد بقرف منها وبجد ربنا يعافينا من الإهمال والتسيب اللي لسه موجود بينا وفي حياتنا عموما .
الأستاذة زينب المنسى تقول عن هذة المأساة انا أعرف ان إسلوب إدارة المكان هيه اللى بتوصله إلى هذه الحاله المزريه وتسائل أين المسؤلين عن إدارة هذه المزبله ؟ لابد ان يحاسبوا.
ويقول الأستاذ شريف المصرى وإيه الجديد ما كل المستشفيات العام على مستوى القاهرة بمحافظتها بهذا الشكل لان الضمير مات من زمان حسبى الله ونعم الوكيل .
الأستاذة دعاء حواس تقول هم المسئولين إللى رموها ولا الطبيعى دلوقتى الناس ترمى زبالتها قدام المستشفيات والمسئولين يلموها عشان يعجبونا فلنتق الله فى انفسنا أولا.
ويقول الأستاذ محسن الصياد هما دول بني أدمين أصلا دول جثث متعفنة متحركة بيعفنوا كل حاجة يا جماعة النظافة سلوك .
الأستاذ مصطفى رشدى يقول للأسف الشديد نضافة المكان تتناسب طرديا مع نوعية الناس إللى شغالين فيه و إللى بيترددوا عليه و دى حاجة خارجة عن إرادة الإثنين .
ويقول الأستاذ طة يوسف سيبك من الزباله كدا بالفلاحي شوف إللي جوه بيعاملوا الناس الغلابة إزاي حسبنا الله ونعم الوكيل فيهم .
الأستاذة نيفين صالح تقول ماهو لو أى مدير أو مسئول عن أى إدارة محترم بمعنى كلمة محترم ماكناش نشوف كدا لا بره ولا جوه لكن الكل مجرد رمز يجرى وراء مصالحه الشخصية ويبحث جاهدا كيف يكون ثروة قبل خروجه من هذا المنصب ؟
