كتب اسلام البحراوى
والله العظيم انا مشفق على علماء الازهر او بمعنى اصح .. خلينى اقول انى مشفق على من تخرجوا من الازهر
لان مش كل من تخرج من الازهر لازم يحسب على الازهر بدليل اننا شوفنا ناس تخرجت من الازهر وشطحت بفكرها المريض واصدروا فتاوى مريضه ومنهم من كان اخوان ويحرض على العنف !
كنت حزين وانا بسمع احد الازهريين فى مداخله مع عمرو الليثى و كان كل همه انه يبرر ان ما يحدث فى الشرقيه له سبب علمى
سأله عمرو الليثى ما السبب العلمى اللى يخلى دولاب الملابس تولع فيه من جوا والدولاب سليم من برا ؟
يرد سيدنا الشيخ يقوله اصل دى حاجات كيمائيه .. يعنى لو فى ( شراب ) فيه بكتيريا .. والشراب اتخزن فى الدولاب فتره .. ممكن كيمائيا يولع ! .. فرد عمرو الليثى قاله والبيوت اللى ولعت كلها كانت فيها شرابات متخزنه غلط وفى وقت واحد !!؟؟؟
** شيخ اخر …
فضل يقول لا وجود للجن ولا قدره لهم على شىء وكل دى تخاريف وبعدين تيجى تقوله طيب يا سيدنا الشيخ الناس اللى بتعمل سحر بالاذىوالناس السحره العالميين اللى بيعملوا حاجات خارقه؟
يقولك لا…
اللى بيعمل سحر مؤذى دا بيكون كافر لانه بيكفر بالقراّن ويتحد مع ( الجن ) !!!
اما السحره العالميين دول بيكونوا عاملين عهد مع الجن عشان يساعدوهم مقابل انهم يكفروا!
اللــــــــــــــــــــــــــــــــــه
هو فى ولا مفيِش؟
يعنى له قدره ولا لأ؟
يعنى بيساعد السحره ويأذى ولا لأ؟
بعيد عن ان كل شىء طبعااا بقدرة الله ومشيئته
لكن اما ان تكون حجتك قويه
او لا تتكلم بإسم الازهر لمجرد انك تخرجت منه وتضحك الناس علينا بتبريراتك
