تظاهر العشرات بمستشفى بنى عبيد بالمنصورة إعتراضا على إقالة مدير المستشفى

حيث يقول الأستاذ احمد يوسف المدير دة المفروض يتسجن مش يتشال بس لان مستشفى بنى عبيد تحت إدارته بقيت بؤرة فساد واقل وحده صحيه فى الريف بقيت احسن بكثير منها لا التزام ولا إنضباط ولا اخلاقيات وإدارة أقسام المستشفى رديئة وكانها عزبة أبوهم المستشفى المفروض امانه كبيره ومسئوليه عظيمه الناس دى مش اهل ولاأكفاء ليها لازم تنضف ويديرها من يملكون الخبره والكفاءه والثقه وأضاف ان ارواح الناس الغلابه مش رخيصه والمستشفى معموله عشانهم اصلا أنا ضد المحافظ بس دى اول حاجه صح عملها ولوإستمر فى الإصلاح ومحاربة الفساد إحنا معاه وياريت الموظفين اللى واقفين دول يروحوا يشوفوا شغلهم ويخلوا عندهم شوية دم ويتقوا ربنا فى المرضى الأول قبل مايتركوا الناس تعبانه ويطلعوا يقفوا فى الشارع وبالذات الاخوات المنقبات أهل التقوى والاحسان والبر دة كلام مايرضيش ربنا.

ويقول الأستاذ عادل عبد السلام الدكتور محمد سلطان راجل حازم وشديد فى المعامله ومعندوش هزار هوة الأصلح ورجل المرحلة القادمة وهو الأهم الأن لإدارة المستشفى وكان نائب الدكتور عبدالوهاب سليمان لعدة سنوات فى مستشفى دكرنس وكانت المستشفى تعمل بكفاءه واى طبيب أوموظف كان بيزوغ كان بياخد جزاؤه وكان فيه نظام وإنتظام ونظافه فى الأقسام والعيادات والاستقبال حتى الحوش الخارجى والمدير كان قاعد فى الحوش يتابع المستشفى مش يتابع وهوة فى المكتب وترك الدكتور عبدالوهاب بعد مظاهرة التمريض ضده بعد الثوره ورجعت المستشفى أسوء من الاول للأسف اللى طالعين المظاهره مش عوزين جد ولاشغل ولانظام ولانظافه عايزينها فوضى وكل واحد يعمل إللى فى نفسه وراحته والناس الغلابه تتحرق تموت مش مهم .

الأستاذ حسام متولى يقول إضراب عن عمل في مستشفى وإللي يشوف المريض مين والناس إللى بين الحياة والموت دول يعملوا إية ومين يعالجهم دة كلام مش منطقى بالمرة .

ويقول الأستاذ مدحت رشاد البلد فيها إدارين كتير ودكاترة وممرضات كتير لو فضلوا عاملين مظاهرات وإضراب يمشوا كلهم ويجى ناس تستحق تشتغل مكانهم محدش فوق القانون ولازم يعرفوا كدة وحتى إللى يشتغل مكانهم يعرفوا إن ما فيش أى حد فوق القانون نهائى .

الأستاذ محمد راشد يقول مستشفيات كلها تعبانه ودكاتره وممرضات منتهى الإهمال ربنا ينتقم من كل مهمل ويقصد الإهمال في صحة الناس .

ويقول الأستاذ الحسينى حسن العدل اساس القوه وليس التظاهر أو الإضراب عن العمل لا احد فوق القانون .

الأستاذ احمد العبسى يقول والله من وجهة نظرى يتحولوا كلهم للتحقيق والوقف عن العمل بلاش قرف الدولة مش مستحملة وقفات وإضرابات لو هناك قانون رادع ما كانوش عملوا كد أتمنى من مجلس النواب قرار اللى يعمل وقفة يتحبس ومحاكمة عاجلة علشان يبقى رادع لغيرة .