بقلم : زهراء عبدالقادر
انها من اكثر القرارات صعوبة ان اتحدث في مثل هذا الموضوع لانها لا تتناسب مع كتاباتي ثم اني لا حظت
ان هذا الموضوع تناوله الكثيرون بأشكال مختلفة
لكني اسعي الي لفت النظر الي كل مايخص الاصلاح في كل المجالات
وأحاول دائما الوقوف امام كل الاشياء التي اري انها تسئ الي الادمية
دعونا نتحدث عن الكارثة نعم الكارثة التي تسبب فيها غياب الضمير عن الظهور وقتا من الزمن جعلني اقرأ المشهد جيدا هذا ما يدفعني الي الارتباك من هول ما يحدث فالامر عظيم والخطب مريع والايام القادمة حبلي بالمزيد من الغموض والضبابية
الارتباط في العالم الافتراضي
نسمع كثيرا عن مصطلح العالم الافتراضي الذي يمكن ان يعيشه الناس عن طريق حياة موازية للحياة الواقعية وهو نظام محاكاة رقمي عبر الكمبيوتر تم صنعه ليعيش الناس ويمارسوا العلم الافتراضي وهي انشطة مثل التي تحدث في الحياة الواقعية او بافتراض اشكال فانتزية في الحياة غير موجودة بالفعل يصنعها الناس لانفسهم واول اشكال ذلك العالم الافتراضي علي الانترنت غرف الدردشة الجماعية بالكتابة وتبادل الملفات والصور وغرف الدردشة المغلقة الامر لم يعد للمرح وقضاء الاوقات الجميلة فقط بل وصلت الي ماهو اسوء بكثير
البداية في الغرفة المغلقة
هو:هاي
هي:هاي
هو: ممكن نتعرف
هي اوك
هو:اسمي…..
هي:اسمي…..
هو:عندك كام سنة
هي:عندي……
هو:بتدرسي اي؟
هي:بادرس…..
هو:انتي مرتبطة او حبيتي قبل كدا
هي:أه أو لاأو انجرحت ومابافكرش
هو:طيب ليه مش كل الناس زي ما انتي فاكرة مش علشان واحد خاين يبقي كل الناس خاينة
هو:طب دي صورتك ممكن تبعتيلي صورتك
هي:اوك تبعت الصورة والتليفون كمان
وبعد كدا سلام سلام
يتصل بيها انتي زي القمر انا ماشفتش واحدة في جمالك و….و….و….
تقولوا شكرا قولت الكلام ده لكام واحدة قبلي
انتي واللي كنت خاطبها
هو انا ممكن اشوفك
ماشي في الكافيه الساعة 9 لا 6 علشان مش باتأخر بره البيت
اوك اتقابلوا روميو وجولييت ودخلوا في علاقة غرامية وحبها وحبتوا في 24 ساعة وكمان اتفقوا علي الارتباط اول مايتخرج
والني ده كلااااااااااام
أكيد لا طبعا مش ده خالص الارتباط
كل منا يدرك مفهوم الارتباط من وجهة نظره او مايتوافق مع هواه
ممكن واحد يقول انا مرتبط _انا بحب صاحبتي اوي _ وآخر يقول انا عندي جيرل فريند
وكثيرا ما يطلق علي الارتباط مصطلحات كثيرة ومؤسفة
والان سؤال خطر في اذهانكم :_هل الحب حرام ؟
لاء يابيه ويا هانم
الحب مش حرام بس لو في الطريق الصح ومافيش حاجة اتحرمت غير لاسباب مهمة جدا
اما كل اللي بنسمع عنه دلوقت استهبال
من المؤسف انه يتقال عليك بوي فريند او يتقال عليكي جيرل فريند حاجة ماتفرحش خالص تفتكروا هاتتجوزوا كدا
أحب اصدمكم واقولكم لا طبعا
لان ده هري علي الفاضي
جربي كدا تعملي حوار وتقولي لمعاليه انك هاتتجوزي واهلك موافقين علي العريس وانت ماينفعش ترفضي لانه مافيهوش حاجة تتعيب يعني مالكيش حجة
هايقولك انا في ايدي ايه اعمله
تقابل بابا ؟
النتيجة بقي ابقي قابليني لو عبرك
قفل تليفوناته ومش عارفة توصليله ومش بعيد يعملك بلوك من علي الفيس اللي اتعرف عليكي عن طريقه
طيب احسيبيها بعقلك هو لسه طالب بياخذ مصروفه من بابا مش قادر يتحمل مسؤلية نفسه
هايتحمل مسؤلية اسرة وبيت وزوجة واطفال
ليكي أنتي وهو
لان مش البنات بس اللي بتقع احيانا الاولاد كمان
ده للتسلية والتواصل والتعرف علي ثقافات مختلفة من انحاء مختلفة
من المحزن ان مواقع التواصل الاجتماعي ازدحمت بهذه العلاقات التي لا تحتاج الي رصد وحصر بل تحتاج
الي شرح وبحث في اسباب ظهور هذا النوع من العلاقات الغريبة التي يطلقون عليها الارتباط وهي لا تمت للواقع بصلة
