كتب حسام داود
يارب إكرمنى وإسترنى وماتسبنيش
ولو بكره هعيش واعصيك بناقص أعيش
ولو بكره هاتهدينى
باركلى يارب فى سنينى
فى طاعتك يبقى محلى العيش
إرزقنا يارب من خيرك
ومين يرزقنا مين غيرك
مفيش غيرك يارب مفيش
مفيش غيرك يارب مفيش
كريم وبتقبل التوبه
إغفرلى يارب اى ذنوب
وقفت بجدد التوبه
وإنت يارب رب قلوب
يارب إرضى ياريت عنى
وعلى شيطانى كمان عينى
وأعيش صابر وأكون راضى
باللى يجينى والمكتوب
ولولا رحمتك بينا
قلوبنا تموت اكيد فينا
جسد صاحى وقلب مفيش
يارب إكرمنى واسترنى وماتسبنيش
ثبتنى يارب على دينك
على التقوى وع الاخلاص
ماتحوجنيش انا لغيرك
واكفينى شر كل الناس
قوينى يارب ع الدنيا
واحيينى يارب ع الطاعه
وإنصرنى يارب على نفسى
دى النفس تملى طماعه
لو جبتلها كنوز الارض
عشان ترضيها ماتكفيش
يارب إكرمنى وإسترنى وماتسبنيش
