كتبت: أحلام قناوي
أنا مش خايف
من الموت يا أمه
أنا خايف عليكي
ولا قلقان من الموت
يا أمه
أنا قلقان على عنيكي
كل ما ابص فيهم
يقلولي
خد من عمري يا ولدي
وخليك ليا
ولسانك بيمسي عليا
وقلبك بيطوف حوليا
ساكن فيا
وساكن فيه
وأول مره أعرف قلب الام
يعني أيه
قلب بيموت من الهم
وهو بيضحك يطبطب
ويضم
أمانه يا أمه تسامحيني
وتصلي فوقيا
ده أنا هرتاح من الهم
يا أمه
ده أنا هرتاح من قولت أه
أمانه يا أمه تدعيلي
وترضي عليا
