كتب – محمود الجوهرى تداول عدد من رواد فيس بوك وتويتر كيفية خطف الاطفال وبيع اعضائهم خارج مصر بسهوله جدا عارف الاطفال بتتخطف و تسافر تتعرض للبيع سواء لغرض جنسي او بيع أعضاء او حتي للتبني إذاي ببساطه، راجع شهاده الميلاد اللي في الصوره … دي شهاده ميلاد طفل مصري، مفيش فيها اي حاجه بتتكلم عن شكل الطفل … و بالتالي الطفل اللي مع متسوله او مع الخاطف في وجود شهاده ميلاد لطفل آخر بحوزته ستثبت ان الشخص اللي معاه الطفل هو والده قانوناً !!
يعني بمعني أصح … المتسوله اللي خاطفه طفل بمجرد ما هتروح القسم هتقول انه ابنها لو هي عندها أصلاً طفل و هتطلع شهاده ميلاد طفلها الأصلي فهتخرج من القسم بالطفل بمنتهي البساطه بطفل أصلاً مخطوف غير ابنها … و أزيدك من الشعر بيت، ولو معندهاش اطفال … هتقول ده ابن واحده صديقتها او اختها و عندها طفل في نفس العمر تقريبا و تكلمها تيجي بشهاده ميلاده و هيخرجوا زي الشعره من العجين !!
و الكارثه، ان بعد ما حضرتك عرفت هذه الفاجعة … نفس الخاطفين في وجود احد أفراد التنظيم يقدروا يعملوا باسبور للطفل بشهادة ميلاده و يخرجوا بيه برا البلد في ثواني … لان الورق المطلوب هو شهادة ميلاد الطفل لإثبات نسبه للأب او للام … و ساعتها هيصور الطفل ده علي انه ابنه في مصلحه الجوازات و يستخرج باسبور للطفل عليه صورته و يصبح هذا الطفل رسميا ابن شرعي لهذا الخاطف و يقدر يخرج بيه برا البلد بمنتهي البساطه و يبيعه … و هيرجع عادي !! لان مين هيسأله ابنك اللي سافر معاك فين ؟؟ و لما يرجع يقدر بعد سنه ولا اتنين يقول ان جواز سفر ابنه الأصلي ضاع … و يستخرج جواز لابنه بصوره جديده و لو حد شك في الصوره … هيقول ابني بِسْم الله ماشاء الله كبر و شكله اتغير !
يعني بالمختصر المتسوله تقدر تطلع للطفل المخطوف باسبور بصورته هو شخصيا بمجرد انها تقدم شهاده ميلاد بتاعة ابنها هي بس المهم يكون نفس سنه تقريبا.
اعتقد حضرتك عرفت دلوقت العيال بتخرج إزاي بره مصر عشان تباع أعضاءها و تستخدم كقطع غيار لبشر آخرين.
لابد من حل جزرى لحل هذة المشكله وهى وجود صورة للطفل على شهاد الميلاد
