الشاعر : ياسر التونى
هو انت ف (بوستك) ياشاعرنا
مش ممكن تختار الصورة
لازم بخلاعة منظرهـــــــــا
تاذينا بدلـــــــــــع الامورة
احساسك مش محتاج نظرة
من نجمة اغراء مشهورة
اوحتى الحضن اللى يحرك
بركان النزوة المستـــــورة
ف الفطرة الساكنة ف طبيعتنا
ف حنين الشاب لسنيورة
ركز ف المعنى تلاقى نبضك
وكانه قصايد مسحورة
مليانة باحساس من شاعر
هيخلى الكلمات محفورة
فى الذهن لانها محترمة
والكلمة باحساس مشكورة
مش م القراء لامن ربك
اللى مسخرلك معمورة
فى جمالها بتسرح بخيالك
وبتبدع اشعار منشورة
ع الصفحة اللى انت بتجرحها
مخدوشة وطبعا مجبورة
على انها تتحمل منظر
صورة من الصور المحظورة
د الاكل المتعرى ياصاحبى
عشاقه كلابه المسعــــورة *
ياسر التونى
