البرنس عمل فني يساعد علي تدمير المجتمع حرفيا

سيد الهلاوى

ملخص الدراما في شهر رمضان وهذه قمة الكوارث التى قد تؤثر في الاجيال القادمة اللى هما الامن القومى للوطن
دراما مسلسل البرنس
بالنسبه لأداء النجوم و الممثلين اداء تمثيلي رائع وممتاز مفيش كلام

اما بالنسبه لقصة المسلسل وأحداثه هو عبارة عن توليفة هندي مع زيادة البهارات بأفورة الشر الخيالي الغير واقعي بين الأخوه الأعداء ..

وخلف نماذج مريضة من الصعب تجدها بهذا الجبروت على أرض الواقع لكن المسلسل هيشجعهم خلاص ..

وهنشوفهم بعد كده في الحقيقة عادي ..

اما القانون فهو عبارة عن ظابط غبي بيرفض يسمع بلاغ في جناية قتل علشان المخرج عايز كدة ..

والحل هو الانتقاااام الرهيب بعيدا عن مظلة القانون .

شكرا على تدمير مفاهيم الشباب
ده غير خيال المؤلف ازاي وصله الي هذا الكم من القذاره في أسرة واحده وفي بيت واحد.

اب ..يحرم اولاده من الميراث فيترك لهم ميراث من الغل والحق

اخ..بيخون اخوه مع زوجه اخوه منتهي الانستا والقذاره

زوجه….عاهرة محرضه فاسقه

اخوات …يقتلوا زوجه اخوهم وابنه ويحاولوا قتل اخوهم عدة مرات

ولد وبنت…عايشين مع بعض في علاقة محرمه وغير سويه بيصورها الكاتب والمخرج بشكل مستفز جدا

مخدرات….عيل يقع في بؤره المخدرات وبنت لسه عيله كمان معاه
تلفيق تهم …شهادة زور.. عقوق والدين.. عدم احترام الكبير واهانته

كل انواع الموبقات جمعها المؤلف والمخرج في عمل واحد ايه كم السواد ده.

ولسه مكمل طبعا هندخل علي الانتقام ولسه هنشوف العجب