شعر / عبدالمجيد سلطان
إعملو ثوره وسموها ربيع
وشعارات رنانه والكل بيبيع
وزودوهم بالسلاح لجل البلد ما تضيع
إبعتولهم شوية إرهابيين والإسم مجاهدين
وكفر ده وحلل دم ده والشيخ يفتى ويصدقوه ولاد الطيبين
حى على الجهاد !!!
أجاهد فين وضد مين
وفتوتك قابض تمنها من مين
دمرتو بلاد العروبه
والإسم ثوار
خليتو بلادنا منهوبه
ومبقاش لينا دار
أنا كافر بثورتكو
وأنا كافر بحكامكو
وأنا كافر بشيوخكو
وأنا كافر بألاعيبكو
أنا اللاجئ
وده لقبى
قفلتو فى وشى كل البيبان
ملقتش غيرك يا بحرى
أحن عليه من بنى الإنسان
ياعم الشيخ ليه مودتش إبنك للجهاد
ليه خليت بلادى حداد
مش هلوم على بشر جسد من غير روح
وحزنكم عليه شئ مبقاش مسموح
خليكو فى الربيع
والبلاد إل بضيع
والخونه إل بتبيع
وبكره تنسونى أنا الرضيع
