علشان هذا الحزب- أنا خلاص عايز أسيبك يامصر ؟

بقلم \ ناصر محمد ميسر 

أنا تعبت منك يامصر ———

زهقت و قرفت و جالى ملل من كتر الإكتئاب أكيد فى حاجة تانية فى البلد ممكن الواحد يعملها بدل الإكتئاب مش معقول كدا أكيد البنى أدمين فى أى حتة تانية بيكتئبوا شوية و يفرحوا شوية و يزعلوا شوية و يتبسطوا شوية …أكيد أنما كدا مش نافع …. العمر عدى واحنا زى ما احنا

أنا عايز أغير الوطن دا ……………….. يا مصر …. يسعدنى أقولك إن أقول مصر لا تتغير

أنتى كما أنتى رغم إنى فاكر أن دا لا ممكن يحصل فى عصرك ياريس بس فعلا أهنيكى ———-

أنتى بلد شاطرة وذكية وأنا فعلا عايز أعيش فيكى يامصر

أنا بطلب منكى وحياة العشرة والسنين والشهداء الا اتروت فيهم ارضك  والارامل والاطفال الا اتيتموا أطلع منك؟

بالجزء اللى فاضل من عقلى ومن سلامى النفسى سبينى بس أمشى لانى مش لاقى نصيبى معاكى وكتر خيرك معانا الا عملتيه معانا

وأنا اوعدك مش هضايقك تانى بإقامتى الثقيلة على قلبك وكمان هوفر عليكى تمن الرغيف الا انتى عايزة تمنعيه لينا وآفر عليكى ثمن النور الا  بتوفريه علينا وأسيبك أنتى مع اولادك اللى إنتى بتحبيهم وهم بيحبوكى الا  بياكلوا من دم الغلابة الا خلتيهم اسياد علينا ليهم حق يحبوكى

وييقولوا ما شربتش من نيلها ؟

بس أبوس ايدك سبينى أطلع منك ولو تعملى فيا معروف ——–تشوفيلىى تأشيرة لاى بلدتكونى بتكرهيها علشان تبقى المسافة بعيدة هناك

صدقينى أنا شاب فاسد وضايع وتربيتك ما نفعتش فيا ضيعت حياتى كلها فى حبك والهبل الا ما ميأكلش عيش

دا إنتى قعدتى تفهمينى مرة بالتلميع ومرة بالتصريح إن المستقبل بلا مستهلكين

والمغنين والرقاصين والمرتشين والفاسدين

لكن أنا — أنا الا استاهل ضرب الجزم إنى ما سمعتش كلامك يامصر كان زمانى دلوقتى من أبنائك البررة من الفاسدين اللى أنتى بتفخرى بيهم ؟

خطتط نجحت يا مصر إنتى نجحتى تزهقينى منك …… رغم إنى كنت فاكر إن دا لا ممكن يحصل أبدا بس فعلا أهنيكى ….. إنتى بلد شاطرة و زكية و انا فعلا معدتش عايزأعيش فيكى أنا بس بطلب منك وحياة العشرة و السنين إللى ما بينا تسيبينى أطلع منك بالجزء إللى فاضل من عقلى و من سلامى النفسى سيبينى بس أمشى و أنا أوعدك مش هضايقك تانى بإقامتى التقيلة على قلبك و كمان هوفر عليكى تمن الأكل والشرب والنور إللى إنتى  و هسيبك بقى مع ولادك إللى إنتى بتحبيهم و هما بيحبوكى وأهم حاجه اسيبك مع اغنيائك وحزبك الا يأكل مش بيراعى حد من الفقراء  ليهم حق يحبوكى و يقولوا مشربتش من نيلها ؟

 بس أبوس إيدك سيبينى أطلع منك و لو تعملى فيا معروف ….. تشوفيلى تأشيرة لأستراليا علشان تبقى المسافة بعيدة هناك و مش كل يومين بقى أنطلك أجازات زى العيال  إللى بيهاجروا الخليج و إن كان على فلوس التعليم إللى صرفتيها عليا هبعتهالك حوالات من هناك متخافيش….بس إبقى قوليلى قبلها لو تحبى أبعتهالك على بنك مصر و لا على بنوك سويسرا معنديش مانع بس سيبينى أمشى صدقينى أنا شاب فاسد و ضايع و تربيتك منفعتش فيا ضيعت حياتى كلها فى القراية و التاريخ و الهبل إللى ميأكلش عيش دا ، و قال إيه كنت بذاكر و بعمل الواجب و الأبلة تدينى نجمة و ضيعت سنين شبابى الغالى علشان أتعلم ياللعار تخيلى …. !!!! أنا مش عارف أودى وشى منك فين يا مصر إنتى قعدتى تفهمينى مرة بالتلميح و مرة بالتصريح إن المستقبل للإستهلاكيين و المغنيين و الرقاصيين و المرتشين و الفاسدين و الطبالين و الزمارين لكن أنا …. أنا أستاهل ضرب الجزم إنى مسمعتش كلامك يا مصر كان زمانى دلوقتى من أبناءك البررة  إللى إنتى بتفخرى بيهم و الفلوس و الأكل الغالى الا بقيته بيترمى فى الزبالة والناس تروح تأكل منه ؟تقولى إيه ….. أنا دلوقتى بجنى جزاء ما إقترفته يداى …… لا وكمانالغباء موجود عندى وبعد ده كلة   روحت قدمت أوراقى فى كلية حقوق !!!!!! شوفى البجاحة بتاعتى !!! قال عايز أعرف القانون و الدستور علشان أعرف حقى و حق الناس !!!!!! مش بقولك أنا مثال للشاب الفاسد إللى ميستاهلش يعيش تحت سماكى و يتنفس هواكى و يتمرمرط بوز أهله فى ثراكى اه والله يا مصر………..

فاكرة …. فاكرة يا مصر لما كنت  ــ  أشغل الأغانى الوطنية فى قلب المنزل و أسمعها لاولادى  غصب عنهم فاكرة لما كنت بثور على أى واحد بيشتم فيكى و أديله محاضرة فى التاريخ و الجغرافيا فاكرة أنا حاولت قد إيه أصلح فى نفسى و فى إللى حواليا أنا أسف على كل دا يا مصر سامحينى يا غالية مكونتش أعرف إنك أصلا عايزة كدا أنا محدش إدانى الكتالوج و الله …. أو هما إدونى كتالوج غلط ….منهم لله قالولى مصر دى أمك ….حبها و خاف عليها و قالولى مصر هى كمان بتحبك و بتراعيك قالولى مصر معاك قالولى إن إسرائيل دى عدوتنا الوحشة الكخة إللى بتعض العيال الصغيرين شوفى الناس المفتريين إللى ربنا مش هيكسبهم لا فى سما ولا أرض بيفتروا على الناس بالباطل…منهم لله قالولى إن العمل و الصدق و الإحترام و الإيجابية و الإلتزام بالمباديء و الأخلاق دى حاجات حلوة و هتخلى حياتك سعيدة للأسف أنا صدقتهم و كدبتك معلش سامحينى يا أم الدنيا …..قصدى يا مصر أنا مكسوف منك جدا و مش عارف أودى وشى منك فين دا كفاية بس إنك سايبانى عايش فوق ضهرك العمر دا كله  وبتقطعى من قوت ولادك الأبرار و بتدينى أنا و شوية الأوغاد إللى زيى …رغم إن إحنا مش ولادك و لحد دلوقتى و رغم إن إحنا نستاهل الشنق ….لسا ماجوعتينا  زى الكلاب كتر خيرك يا مصر و صدق إللى قال عليكى أم الدنيا بس وحياة غلاوة أبو  الدنيا  عندك يا شيخة تشوفيلى أى سفرية برا إن شاء الله  علشان تريحى ضميرى إللى بيأنبنى كل شوية إن انا متقل عليكى و ضيافتى مسببالك قلق سيبينى أروح أستراليا و هناك هعيش وسط الأستراليين أمن على سلامى النفسى و على دماغى و تفكيرى و حريتى

رأيك يهمنا

عن ناصر ميسر

Avatar

شاهد أيضاً

الكاتبة جيهان حكيم

أرجوك ياأبي لاتمت .. قصة قصيرة : جيهان حكيم

                              …

اترك تعليقاً

لن يتم نشر عنوان بريدك الإلكتروني.