الشاعر / لفته عبد النبي الخزرجي – العراق – بابل
يا بلاد الرافدين
يا بلاد الرافدين ياوطن دجلة وفرات
يا أرض سومر وبابل يل نبع ماء وحياة
يا وطن اسمه العراق حاوي كل الثروات
يا وطن دجلة وفرات
يا قصيدة شعر تبقى مطرزة بعطر الحياة
يا وطن كلكامش وآىشور واكسير الحياة
يا وطن عز وشموخ يا سليل المكرمات
شكد كنوز تعيش بارضك وانت عايش عل الهبات
يا وطن دجلة وفرات
شكد تحملت المآسي شكد عبر ارضك غزاة
شكد دماء تسيل بارضك وانت ثابت
مثل نخل بلادي بيه قوة وثبات
يا وطن دجلة وفرات
انت تاريخ وحضارة يا نبع ماء وحياة
ليش كل طامع يريد يفرهدك وانت بسبات
انت ارضك كلها خصبة وينتعش بيها النبات
ليش كل برحينه صوفر والنخل خستاوي مات ؟
وانت ارضك بير زيبك زيبك احمر يا فرات
وتبقى عايش عل الهبات يا وطن دجلة وفرات
الله واكبر يا فرات يا وطن دجلة وفرات
يا بلاد الرافدين يا وطن دجلة وفرات
