بالصور : ماسورة مياه تهدد قرية كفر عامر رضوان بكارثة

كتب : محمد عيسي أبو عيطة

تعرضت قرية كفر عامر رضوان ، التابعة لمركز كفر شكر بمحافظة القليوبية، للغرق في مياه الشرب؛ وذلك بسبب انفجار في إحدى مواسير مياه الشرب الرئيسية.
وانفجرت ماسورة المياه بالقرية منذ 5 أيام، وتسبب في تكوين برك مياه وبحيرات صغيرة من مياه الشرب في الشوارع، والتي امتدت إلى داخل المنازل، مما تسبب في استياء أهالي.
تحدثنا مع سكان القرية، حيث قال أحدهم: “إحنا عالحال ده بقالنا كتير، كل يومين نصحى من النوم على المنظر ده، وبيوتنا غرقت والشوارع غرقانة من كتر المياه”.
وأضاف: “من أول ما الماسورة ما انفجرت وإحنا بنتصل بناس شغالة في مجلس المدينة، علشان يوفروا لنا العمال وعربيات الكسح، قالوا لنا حاضر ومشينا وماحدش عبرنا بعديها لحد ما القرية غرقت”.
كما عبرت أحدى سيدات القرية ،عن استيائها من تقاعس وإهمال المسؤولين، قائلة: “إحنا من زمان بناشد المسؤولين يشوفوا المواسير دي علشان دي مش أول مرة تنفجر، وطالبنا بتغييرها لكن المسؤولين مش مهتمين بالقرى، أهم حاجة هما يلبسوا جديد كل يوم ويركبوا عربيات واحنا هنا مش عارفين نعيش من المياه اللي مغرقة بيوتنا.. يا ريت تتحركوا شوية وتساعدونا.. حسبي الله في كل مسؤول مش شايف شغله ومابيساعدش الناس”.