بقلم / زينب الثاقب
اوصف إزاي حبك في قلبي
وانت قلبي …. وحته مني
اوصف إزاي اشتياقي
وانت عمري اللي راح
واللي باقي
شوف كده …..
وقت اللقا ….
أنا بعمل إيه
بابتسامة العيون والقلب
بجري عليه
بخدك في حضني
وكأني مالكه الكون بحالوا
واما لحظه تبعد عني
قلبي يبعد عن مكانوا
انت روحي وضي عيني
انت فرحي ونور سنيني
انت ضحكي ونور عنينا
انت واختك الأموره ميرنا
انت النهارده وبكره اللي جاي
عشانك يهون عمري اللي جاي ربي يحفظكوا يا غالي
بدعيلكوا طول الليالي
تكبروا قدام عينيا ده
انتوا من ربنا
أجمل هديه
تسلموا طول الزمان
تسلم الضحكه تلالي
تسلم …تسلملي يا غالي
يااللي بيكوا همي هان
انتوا عندي … أغلي مني
انتوا فرحة الأيام .
