الربيع العربى

شعر /عبدالمجيد سلطان

الربيع العربى

كلمه من كام سنه بقينا بنسمعها
نزلنا إتظاهرنا وعملنا ثورات وحكام بقينا بنخلعها
كنا بنحلم بالفجر
وفإنتظار شعاع النور
والربيع إنتشر من بلد لبلد والكل مستنى مين يبقى عليه الدور
وظهرت ناس لبسين قناع الحريه
وكإنها بقت موضه وشغلتهم فى الحياه ثورجيه
تاجرو بأحلام الشباب وبهتافات متمليه
وفأول فرصه كله قال مصلحتى الشخصيه
وشيوخنا الأفاضل
بدل دعوة الناس وهدايتهم لطريق الخير
إتجهو للمناصب والكراسى وأى طريقه يشوهو بيها الغير
الربيع العربى بقى بحور من الدم
ياترى هيتلم شملنا تانى ولا كله هيقول نفسى نفسى ياعم
خايف يا ثوره أكرهك وأكره إنى شاركت فيكى
كل ما أشوف بلاد العرب مبقتش عارف أدعى على الحكام ولا أدعى عليكى
يا بلدى يا محروسه دلوقتى وقت البنا
وإن كان عندك لوم يبقى عليه أنا