م الطين شكلك ربك

بقلم… وفاء يوسف

ياللي زرعت الشر
شوك في طريق الخلايق
ع الخلق متكبر ومتفرعن
فكر شوية وشوف
كانت بدايتك إيه
من طينة كان أصلك
أصلك ضغيف جدا
لا لك إرادة ولا حولا ولا قوة
محتاج سند ومعين
وكانت رحمته هوه
بديت شوية شوية
تحبي وتتعتر،،،،،،،،
وكبرت واشتد عودك
وسط الشباب الزين
وصبحت يا دي الجدع
راجل وملو العين،،،،،
لكن خسارة غواك
شيطانك وسوس لك
قلت الشطارة اكون
على الأهل انا فتوة
بالغدر بالحيلة،،،
بالغصب بالقوة
آكل حقوق الناس
واعلي بنياني،،،
تقلع في زرع الغير
تتملك الفدادين ،،،،
إياك فاكرها شطارة
والدنيا هتدوملك
دي الدنيا رحلة سفر
وآخرها بيت ضلمة
لا فيه غني ينفعك
ولا عزوة ولا لمة ،،،
فايت جميع الناس
فايت تلال المال ،،،،
ما معاكش غير عملك
إن كان معاصي حمول
هتشيلها فوق ضهرك
وان كان عمل صالح
في القبر يبقى أنيس
وتنول رضا ربك،،،،،
يا صاحبي عيش ،،،
دنيتك لرضا إله الناس
إعمل عمل ينفعك
وانفع كمان الناس
اكسب دعاهم وحاذر
من دعوة المظلوم
وما تفتكرش الحياة
بعزها هتدوم،،،،،
لو دام لغيرك شيئ

م الدنيا ما وصلك
إياك تقول دي شطارة
والدنيا هتدوملك
إياك تقول دي شطارة
والدنيا هتدوملك