بقلم: ضيا طحاوي
تحلي الحياة ساعة صفا
والنفس جايه من سكات
تفرش عيوبها بدون جفا
قافلة صفحات اللي فات
بنسعد روحنا بالأفراح
ننسي همومنا بالنكتة
نجلد نفسنا بالسر
نترحم علي السكتة
نعيش نبني في دنيتنا
نتغرب بكل طريق
ندوس ع الشوك بسكتنا
نرجع نحسب الحسبة
نلاقي خسارة في راحتنا
نداري دموعنا بكلامنا
نكتم بالقلوب أوجاع
نشوف الصح أدامنا
يكون الوقت عدي وضاع
بلاش حسرة علي الماضي
ده حسن الظن بالرحمن
يغير م الأمور أقدار
ولو نسند علي القاضي
نحس محبتة أسرار
تحلي الحياة ساعة صفا
والنفس جايه من سكات
تفرش عيوبها بدون جفا
قافلة صفحات اللي فات
