د.محمد أمين جاد

اكيد صادفت حد في محيط المعارف او الاهل او سمعت عن حد عزيز عليك جاله جلطة في المخ… وغالبا سمعت انه حد حقنه تدوب الجلطة… حقنه في البطن

بس الحقيقة اللي متعرفهاش ان حقنة البطن دي اكذوبة كبيره… كل الحقن اللي بتتاخد في البطن لا تذيب جلطات المخ

وكمان اتوقف استعمالها لاذابة جلطات المخ من التسعينات في الدول الاوروبيه وامريكا

الحقنه الوحيدة اللي فعلا تذيب جلطة المخ بتتاخد بشروط معينه وبتتاخد وريد اسمها اكتيليز ودي تمنها ٨٠٠٠ جنيه وموجوده مجانا في مستشفيات حكوميه معينه

حقنة البطن لا تذيب جلطة المخ

في حالة الشعور بأعراض جلطة اذهب فورا وفي اقرب وقت الي المستشفي وخلال اول ٤ساعات ونصف من بدايه الاعراض

حقنة البطن اتمنع استخدامها في دول كتير بخصوص اذابة جلطات المخ