كلمات : ريهام عبدالله يا ابو ضحكه تعدي وسط الضلمه تقيد النور.... يا ابو ضحكه تخلي الصحرا انهار وبحور... يا ابو ضحكه تعلق قلب سنين وشهور.... يا ابو ضحكه تجيلي ف احلامي زي المسحور.... انا دوبت خلاص ف عنيكي يا اجمل ناس انا دوبت ف سحر كلامك فيه احساس انا قولت اشعار تتغنى وتتقال ف الاخلاص مبقتش اهتم بغيرك ملهمش ف القلب اساس اه يا حلوه وجمالك بقى بيزيد ويزيد مع كل سنين العمر وكل شموعي معاكي تقيد وبشوف ف عنيكي الضحكه كل نهار وبشكل جديد مقدرش اعيش من غيرها ومن غير حبك ايه هيفيد الدنيا بحالها بتسكت وقت ما تحكي وبتسمعلك اه يا غنوه ف وسط الصبر بتصبرني واروح وارجعلك الاقيكي فرشتي الشوق والروح تلاقيكي وبتوصلك وانا مهما بغيب عن عينك برجع ديما كده مشتاقلك
