غادة محمد , تكتب ( همسات القلوب ) .

بقام / اسلام الهاشمي الحامدي

معايا النهاردة موضوع الكل بيعاني منه هو
(سوء التربية)
للاسف كلنا بلا استثناء اتربينا غلط , وربينا عيالنا زي مااتربينا وبردو غلط , اتربينا انه الولد هو السند وحامي الحما وكل حاجه هو الولد ميعملش حاجه , والبنت هي اللي تشيل البيت وتكنس وتمسح وتخدم ابوها واخوها واخوها قاعد باشا
للاسف احنا بنقول الحياه مشاركه بس نسبه٢٠٪ بس اللي بيطبقوها ويمكن اقل كمان وللاسف ده بينتج عنه مشاكل نفسيه جدا .

مشاكلنا النهارده مش للبنات بس لا معانا كمان ولاد اتظلموا من الاهل بسبب بعد الاهل عنهم
اول مشكله معانا بيقول ..

انا ولد واحد علي ٦بنات للاسف , انا مش بحب ابقي راجل عليهم ولا اي حاجه من اللي ابويا بيقولها دي اا بحبهم جدا.
وبحب اساعدهم بس للاسف ده كان بيسبب مشاكل بيني وبين ابويا لدرجه انه بقي بيعتبرني بنت زيهم وسيبت البيت كتير ورجعت عشان خاطرهم , انا بحب احتويهم مش افرد عضلاتي عليهم وابقي الامر والناهي سمعت عن همسات القلوب وان حضراتكم بتساعدوا في حل مشاكل ياريت تقولولي اعمل ايه اقنع ابويا ازاي ؟!

– اولا شرف ليا انه حضرتك حكيتلنا مشكلتك .
ثانيا بحترمك جدا انك عاوز تحتوي اخواتك وانك مش عاوز تجرحهم او تبقي راجل عليهم .
ثالثا حاول مع والدك واقنعه قوله انك حابب انك تبقي سند لاخواتك وانك حابب انهم يحترموك مش يكرهوك وقوله انك مش عشان ولد اظلم اخواتي البنات .

???
تاني مشكله بتقول
استاذه غاده مساء الخير انا من اشد المعحبين بيكي بجد وبتابعك دايما وعشان كده اتجرأت وكتبت لحضرتك مشكلتي
باختصار انا بنت علي ولدين انا اصغر واحدة وللاسف من وانا عندي ٨سنين وامي معلماني شغل البيت واكيد حضرتك عارفه معاناة البنات بس انا احيانا بزهق يعني كل شويه هاتي اعملي سوي وطلباتهم مبتخلصش ومش عارفه اعمل ايه بجد فكرت اكتر من مره في الهروب وارتاح من الهم ده قوليلي اعمل ايه انا بجد متدمره نفسيا
-حبيبتي تسلمي علي كلامك الجميل ده وشرف ليا انك حكيتيلي مشكلتك
اما بخصوص طلبات البيت هي مش بس علي البنت في بيت اهلها لا كمان لما تتجوزي هتعيشي نفس الحكايه بس العيب مش فيكي العيب علي المجتمع اللي بيعتبر البنت آلة تتفذ الطلبات وكنس ومسح وشباب البيت قاعدين وتخدمهم عشان كده اتدمردي وقولي انا بني ادمه وكل واحد يخدم نفسه اما الهروب مش حل ومينفعش تسيبي بيت اهلك وتسوئي سمعتك وربنا يهديهم عليكي

???

تالت مشكلة بتقول

باختصار انا زهقت من طلبات جوزي اللي مش بتخلص خالص اتعود انه امه واخواته هما اللي يقضوا طلباته وهو قاعد زي الباشا انا مش اتربيت علي كده ابويا وامي ربنا يديهم الصحه يارب زي ماعلموني شغل البيت علموا اخويا كمان هو بيقضي طلباته بيجيب الميه لنفسه بيعمل لنفسه شاي لو انا تعبانه هز يساعد ماما في كل حاجه مشاركه
غلبت افهمه واقوله انك تجيب ميه لنفسك مش عيب او انك تساعدني وانا حامل في شغل البيت وانا في التاسع وبردو مفيش قوليلي ياغادة اعمل ايه
-حبيبتي ربنا يقومك بالسلامه وتيجي احلي بيبي في الدنيا
بخصوص جوزك تجاهليه وهو هيعرف قيمتك وهيخدم نفسه لما تولدي بالسلامه وهيطلع عينه في خدمتك لما يقولك هاتي ميه قوليله هات لنفسك دي ميه مش هتعمل الذره وقوليله الحياه مشاركه مش مش كل حاجه انت تامر وانا انفذ

????

اخر مشكله معانا بيقول

انا وحيد ابويا وامي مخلفوش غيري وماما بتصعب عليا لما بتقوم بشغل البيت وانا قاعد كده بطلب بس ولما بساعدها ابويا بيضربني ويقولي شغل البيت للحريم وبس وان الرجالة تامر والستات تنفذ ولما بقوله يابابا مش ينفع كده يقولي يارتني خلفت بنت كانت زمانها احسن منك قولولي اعمل ايه اغير تفكيره ازاي
-والله ياابني اللي زي ابوك ده عايش في عصر سي السيد لسه وصعب تفكيره يتغير الا اذا بعد الشر مامتك تعبت ورقدت شوف مين يخدمه لما الخدامة خلاص جابت اخرها .
???