اسلام الحامدي ” قصص اطفال ” الفيل الهندي الصغير

كان يامكان ياسعد يا اكرام , كان في زمان فيل هندي صغير , بيحب يساعد كل الناس .
وكان كمان بيلعب مع صحابه في الغابه . بس بابا وماما قريبين منه ومش بعيد .
وفي يوم راح بعيد عن بابا وماما , وقابله راجل كبير قالوا تعالي نلعب سوا , قالوا الفيل الهندي الصغير : لا هسال بابا وماما الاول .. ضحك علي كلامه , وقالوا لسه بتسال بابا وماما انا فكرك كبير .. زعل الفيل الهندي الصغير من كلام الراجل , وقالوا : انا جاي معاك ومش هسال بابا وماما .

فضل بابا و ماما يدورا عليه ويبكوا, مش لاقينه في الغابه وماما قالت لبابا الفيل : انا عيزه ابني ابني راح فين .. وفضلت تبكي عليه لحد ما نظرها راح .
بابا الفيل الكبير فضل يدور عليه وكان بيبكي وبيقول : ابني انا بحبه وفداه روحي وقلبي … وفضل يسال عليه كل الغابه مش لاقيه وقال : ليه كده يابني !مش قولتلك ماتبعدشي عني .. ضعت خلاص مني !؟

وكان الفيل الهندي الصغير محبوس في قفص كبير و الراجل بيضربوا بالكرباج وبيعزبوا عشان عيزه يشتغل في السرك والفيل الهندي الصغير عايز يرجع ل بابا وماما بس مش عارف .. نسي كمان الطريق عشان مشي كتير مع الراجل الغريب ..

وفي ليله كان فيها القمر بدر , رفع راسه للسما وقال : يارب انا غلطت , وماسمعتش كلام بابا وماما لما قالوا ماتمشيش مع حد غريب , صدقته اصل شكله كان راجل طيب , قالي تعالي هنلعب سوا وهجيب ليك لعب و حلويات .. وضحك عليه في الاخر .. يارب بابا وماما يلاقوني وانا اوعدك يارب مش هبعد عنهم تاني ابدا .

ومع اول ضوء شمس و زقزقة العصافير , جت العصفوره للفيل الكبير وقالتلوا :الحق ابنك في السرك اللي في المدينه محبوس هناك وبيبكي ..
ام بابا واخد صاحبوا وراحوا انقذوا الفيل الهندي الصغير وقالوا بابا : ليه تسبنا وتمشي انت مش عارف اننا بنحبك وبنخاف عليك , بابا وماما بيحبوك اوي وانت كل حاجه ليهم في الدنياه .
حضنه جامد الفيل الهندي الصغير وقالوا : اسف بابا , مش هعمل كده تاني .
ولما الفيل الهندي الصغير رجع لحضن ماما , رجعت نشوف تاني من فرحتها برجوعه و قال الفيل الهندي الصغير : اسف ماما مش هبعد عنك تاني , ووعد مني اسمع كلامك انتي وبابا طول ما انا عايش عشان انتم اكتر ناس في الدنيا بتحبني …

هاا قول يلا قول هوعد بابا وماما اسمع كلمهم طول ما انا عايش ,و حضن كبير بقي 
توتا توتا خلصت الحدوته حلوه ولا ملتوته