عيونك مساحه فارغه بين نجمين
يجوز يتوه فيها اتنين عاشقين
ويلتقوا على ورده واقعه اسمها الياسمين
انا كنت جوه عيونك
لما شفتهم راجعين
لكنك رفضتيني .. وطردتيني بره العين
بدمعتين باردين
لو كنتي انتظرتي دقيقتين
يجوز كنت هشوفهم خارجين
بس مش هما نفس الاتنين اللي كانوا داخلين
ولا هما نفس الاتنين اللي كانوا عاشقين
لو كنتي انتظرتي دقيقتين
ساعتها يجوز مكنتيش هتسأليني
اي هيا وردة الياسمين
ولا ايه جاباها هنا ولا هي جايه منين
ساعتها كنتي هتعرفي انها وردتي
اللي كنت جاي اهديهالك وقت ما رفضتي
تشيليني جوه نن العين
لو كنتي انتظرتي دقيقتين
لما جيت اكتب عنك
الحبر خلص والورق مكفكيش
علشان كده قلبي مسعكيش
وطردك بره منه زي ما طردتيه
ساعات الجرح بينسي لكنه مايتنسيش
