شعر : عبدالله العلكي ياعشاق الهوا دلوني علي عشق الحبيب ده الهوا غير لوني وما خلي ليا طبيب دلوني لطريق الحب حتي حب القريب قالوا عشــــــق القمر قولت في بالي مين قــــــالوا حب النبي قولت صلوا علي طه الأمين قالوا القمر في السما قولت القمر علي الأرض قالوا أسمه وكفا قولت حب النبي فرض يا عشاق الغرام دلوني على مكان الرسول قالولي أسمــــــه في كل مكان مرسول وانا ما وصلي جواب للزيارة قالولي دي ارزاق يا بني مش شطارة في يوم هيبقي مكتبولك تشوفه ده اللي قمر ليه انحني وبين كشوفه ولما سيرتُه تتجاب القمر يداري من كسوفه اصبر يا وليدي علي رزقك ده ابو بكر من كتر خوفه قعد سهران الليل يـحميه كان كل ناسُه وكان كل ماليه من كتر عشقهُ للنبي صبح من أقرب الناس ليه يا رسول الله ده حبك في القلب عدا مواويل القمر بعدك ما مرتاح وقاعد علطول عويل قاعد سهران طول الليل علي محمد اللي إتولد يتيم يا عاشقين جمال النبي صلوا علي طه الكريم
