بقلم رمزي دحرج
احلام ورديه
مشروعه لكل الشباب
و البنات
احلام ورديه
تمر علينا من سكات
و تروح من سكات
جري ايه لاحلامنا
مش شايفين قدامنا
م الزحمه
و من السكات
فيها ايه
شاب يحلم ببيت
حلم مشروع
حلم ممنوع
احلامنا عاديه
بالليل معديه
في نهارنا منسيه
ماهي احلامنا ورديه
لاء دي يقظه ليليه
بنقول يا عين يا ليل
دي موريانا الويل
في النهار و الليل
من ظلم البشر
عايشين و مش عايشين
في التوهه تايهين
قول لي يا ابو المساكين
ازاي نكون عايشين
و المرار شا ربين
و من الحكومه دايخين
و مش عارفين
رايحين علي فين
يبقي ازاي نحلم و نعيش
و الحكومه طلع لها ريش
حرمانا م البقشيش
دي احلامنا مشروعه
و بأمر حكومتنا ممنوعه
يا ………….ملعونه
دايرين في ساقيه مخرومه
من الميه محرومه
دي الارض عطشانه
و المرار طفحانه
يا مغنواتي غنيلي
دا دمي لون نيلي
و عدوي بني السد
ولا حد همه حد
تبقي ازاي احلامنا ورديه
دي نارها مطفيه
بطلنا نحلم يا حكومه
احلامنا غير شرعيه
رمزي دحرج
