كتب/هانى توفيق
احتجت مواطنة على قرار وزير التموين الدكتور علي المصيلحي، بتخفيض حصص الكارت الذهبي من الخبز، قائلة: “كل يوم نصحى على حاجة جديدة، شالوا المعاش، العيش، وغرقوا الجنيه وغرقونا معاه، واختفى السكر، طب يغرقونا إحنا في البحر ويريحونا”.
وقالت أم محمد من الإسكندرية- في مداخلة هاتفية مع برنامج “حصريًا مع ممتاز” على قناة “العاصمة”- “ما يحدث ينقص من شعبية عبدالفتاح السيسي، وإحنا بنحب الرئيس، لكن عايزينه يسمعنا، هو مش بيتفرج على التلفزيون، هو أول ما جه قال العيش والمواطن، فين العيش يا ريس؟”.
وأضافت: “هما بيدوروا على اللقمة بتاعتنا، كل شوية وزير يطلع قرار، هو إحنا لعبة، إحنا فاض بينا خلاص، لا لاقيين سكر ولا زيت، حتى العيش عايزين يحرمونا منه”.
