يا ترى مخبى ايه يا على قلقانه ليه سها

يا ترى مخبى ايه يا على قلقانه ليه سها
خايفة يكون عرف وساعتها …..
يا ترى ساعتها ايه اللي حيحصل طب ما تيجوا نعرف ونشوف والحلقةةالحادية والعشرين من مسلسل قسمة على اتنين
يارب يعجبكم
نهى على
مسلسل قسمة على إتنين
قصة وسيناريو وحوار / نهى على طه
الحلقة الواحدة والعشرون
مشهد (1) ليل داخلى / فيلا بدر الدين / حجرة نوم سها
سها تزرع أرضية الحجرة جيئة وذهابا وعلامات التوتر الملحوظ على ملامحها
فريال تدخل الحجرة وتنظر لسها وفى تساؤل :
مالك واقفة كدا
سها فى عجلة :
إقفلى الباب
فريال تغلق الباب وتقترب من سها وفى نفس التساؤل والقلق :
فى إيه يا حبيبتى ؟
سها فى قلق :
على من شوية جالى وإدانى مصوغات والدته ديه وقالت إنها كتبت ورقة إن الحاجة دى تخصنى
فريال فى نبرة عادية :
ماشى يعنى إيه ؟
سها فى خوف واضح :
مش عارفة خايفة يكون على عرف حاجة بخصوص أدم
فريال تقوص حاجبيها وفى نبرة متسائلة :
هو لمح بحاجة ؟
سها فى نبرة نافية وهى تهز رأسها :
لأ بس مش عارفة ليه قلبى مش مطمن
فريال فى نبرة مطمئنة :
لأ إطمنى لو عرف حاجة ماكنش سابك
سها تجلس على المقعد وفى توتر :
أنا خايفة
فريال تجلس بجوارها وفى تساؤل وفهم :
وإفرضى عرف إيه إللى حيحصل ليكى يعنى
سها تنظر لفريال وفى نبرة مستسلمة :
أبدا حروح السجن بس بتهمة التزوير وعلى مش حيرحمنى
فريال تضرب صدرها بكفها وفى خوف :
يا نهار كوحلى … سجن … سجن
سها تنظر لفريال نظرة ألم وتطرق رأسها فى صمت
ــــــــــــ قطع ــــــــــــ
مشهد (2) ليل خارجى / فيلا بدر الدين / شرفة حجرة نوم سها
سها واقفة مقتربة من سور الشرفة وقد عقدت ساعديها حول صدرها شاعرة بلسعة البرد
سها تطلق تنهيدة طويلة وتسند رأسها لعمود الشرفة وفى نبرة مثقلة بالهم والقلق :
معقولة يكون عارف حاجة وساكت
سها تطقطق برأسها نافية وفى نبرة مطمئنة :
مش معقول كان ثار وإتعصب على مبيعرفش يتحكم فى إنفعاله وغضب خصوصا فى حقوقه ودا أهم حقوقه وإنتى سلبتيه منه مش حيسامحك يا سها
يارب التدابير من عندك وحدك
سها تكاد تدخل حجرتها لكنها تسمع صوت أنين بقوة صادر من حجرة على
سها فى إنزعاج :
على
سها تدخل مسرعة من الشرفة وتخرج من حجرتها
ـــــــــــ قطع ــــــــــــ
مشهد (3) ليل داخلى / فيلا بدر الدين / حجرة نوم على
على جالسا على حافة الفراش وقد إحمر وجهه بوجه
علامات الألم الشديد على وجه على ويمسك الجانب الأيمن من خصره ويجذ على أضراسه
سها تطرق الحجرة ثم تفتحها وتدخل مسرعة ناحية على
سها تنحنى وفى خوف ولهفة لا إرادية :
على مالك ؟
على يلتقط أنفاسه بصعوبة وفى صوت يئن :
مغص كلوى شنيع بتعرفى تدى حقن
سها تهز رأسها بقوة وتسأل :
الحقن فين
على يشير ناحية درج الكومودينو
سها تخرج الحقن وتحقنها بسرعة وتعطيها لعلى ثم تساعده لكى يسترخى غلى الفراش تخلع له حذائه وتجلب الوسادة وتضعها خلف ظهره
سها تسرع ناحية الباب
على فى صوت خفيض :
رايحة فين ؟
سها فى نفس النبرة :
جاية على طول
سها تخرج … على ينظر لسقف الحجرة فى تعب والعرق يتصبب من جبهته بغزاره
على يطلق تنهيدة قصيرة ويحاول إسبال جفنيه
سها تحضر ومعها كوب ساخن
سها فى نبرة حانية :
على … على خد إشرب دا
على يفتح عيناه وفى تساؤل :
إيه دا
سها مجيبة :
حاجة سخنه حتهديك وتخليك تنام
بالهنا والشفا
سها تناول على الكوب
على يشرب رشفه وهو ينظر لسها وفى نبرة شكر :
متشكر
سها تكتم دموعها وفى نبرة هادئة رقيقة :
الشكر لله ها بقيت أحسن
على يهز رأسه مجيبا ويناولها الكوب
سها تضع الكوب على سطح الكومودينو وتنهض لترفع الوسادة عن ظهره لكى يرقد
على يرقد … سها تحضر غطاء أخر ثقيل وتضعه فوقه وفى حنان :
واضح إنك بردت إدفى كويس عشان تخف إن شاء الله
على ينظر لسها نظرة حب حفية لكنه يبعد عيناه
سها فى نبرة حانية :
أنا سهرانه لو عوزت حاجة
على فى نبرة خفيضة :
نامى أنا تعبتك وأنا ححاول أنام تصبحى على خير
سها تبتسم وفى نبرة رقيقة :
وإنت من أهله
سها تنصرف من الحجرة وتغلق له زر الإضاءة
على ينظر لكل ما حوله ويطلق تنهيدة حيره كبيرة
ـــــــــــــ قطع ـــــــــــــــ
مشهد (4) ليل داخلى فيلابدر الدين / حجرة نوم سها
سها تنهض من سريرها وتنظر لساعة الحائط فتجد عقاربها قد تجاوزت الرابعة صباحا
سها تترجل من الفراش وتضع على جسدها المعطف الثقيل
وتتجه ناحية الباب وتفتحه وتخرج
ــــــــــــ قطع ـــــــــــــ
مشهد (5) ليل داخلى / فيلا بدر الدين / حجرة نوم على
سها تدخل الحجرة وتسير بخفوت متجهة ناحية سرير على
على نائم
سها تتأمل ملامح على فى لوعة قوية وحب مؤلم وشجن عميق
سها رغما عنها تمد أناملها على جبينه تتحسس بشرته فى إشتياق وجزع
سها تنحنى على شفتاه والدموع تنحدر فى صمت موجع وتطبع قبلة صغيرة لكنها رقيقة وحانية ثم تعتدل وقفتها وتسرع لما تجده يتقلب
سها تركض بسرعة من الحجرة وتغلق باب الحجرة
على يفتح عيناه وهو يتحسس بأنامله شفتيه
الإبتسامة على وجه وفم على
على محدثا نفسه :
متغيرتيش يا سها يا مراد نفس الحنان والرقة
ـــــــــــــ قطع ـــــــــــ
مشهد (6) نهار خارجى / فيلا بدر الدين / شرفة حجرة نوم على
على واقفا مرتديا الترينج الثقيل والموبايل حول أذنه
على فى نبرة إشتياق :
طبعا وحشتينى يا نادين جدا بس مش قادر أقولك حاجة طمنينى هى عاملة إيه دلوقتى ؟
على فى نبرة متأثرة :
ربنا يشفيها لأ طبعا خليكى جنبها أنا متقلقيش عليا بخير لأ النهاردة مش حروح تعبان شوية معايا دور برد
الله يسلمك يا حياتى أوكيه لأ يا بيبى متقلقيش حاضر
مع السلامة
على ينهى المكالمة
على يدخل من الشرفة ولكنه يسمع طرقات على الباب
على فى هدوء :
إدخل
الدادة فكرية تدخل وفى نبرة ودودة :
الفطار جاهز فى الجنينة زى ما طلبت يا دكتور
على يهز رأسه وفى هدوء :
أوكيه يا دادة أنا جى أهو
فكرية تخرج وتغلق الباب خلفها على ينهض ويتجه ناحية دورة المياة
ـــــــــــــ قطع ـــــــــــــــ
مشهد (7) نهار خارجى / فيلا بدر الدين / الجنينة
على جالسا فى الجنينة وأمامه تضع فكرية مأكولات شهية
على يطلق صفير إستحسان وفى إمتداح بالإنجليزية :
إيه الفطور اللذيذ دا يا فكرية
على يضحك وفى نبرة ودودة :
ميرسى الأصناف دى أنا فعلا بحبها
فكرية فى هدوء وشىء من المكر :
والله يا دكتور الست سها هى إللى صحيت من النجمه ولقيتها واقفة فى المطبخ وبتحضر لحضرتك الفطار دا وطلبت منى أصحيك عشان تفطر
على ينظر لفكرية ويبتسم وفى طلب :
طب من فضلك خليها تيجى أنا عاوزاها
فكرية تهز رأسها وتنصرف
على ينظر للطعام ورائحته وفى نبرة ممتدحة :
ريحه الأكل جميلة جدا ونفس الأصناف إللى بحبها
على يضحك وفى حنين :
لسه فاكرة يا سها بحب إيه
سها تأتى وعلى فمها إبتسامة مشرقة وفى نبرة رقيقة :
صباح الخير يا دكتور :
على ينظر لسها ويتأملها بشده :
سها تطرق عينيها فى خجل
على يشير لها بالجلوس وفى دعوة :
يالا إقعدى إفطرى معايا أصل أنا عارف وليد مش حيصحى دلوقتى ولا صاحبتك ولا سارة
سها تجلس قبالته
على فى نبرة إمتنان :
ميرسى على سؤالك عليا إمبارح
سها فى نبرة عادية :
ما أنا قولتلك الشكر لله أنا معملتش حاجة فيها الحقنه ولا كوباية الينسون وبعدها رحت نمت
على ينظر إليها فى مكر وفى دعابة :
نمتى على طول
سها تبعد عينيها وفى نفى وإرتباك :
لأ …. أه
على يضحك وفى إسلوب ضاحك :
لأ أه حلوة
سها تضحك
على فى تساؤل :
حبابيى راحوا المدرسة
سها فى تأكيد :
من بدرى
على فى هدوء :
لما يرجعوا عاوز أقعد معاهم بقالى فترة مقعدناش نلعب سوا
سها تهز رأسها وفى نبرة هدوء :
كانوا زعلانين بس أنا فهمتهم وقولتلهم إنك مشغول متقلقش
على ضاحكا :
عارف إن ورايا محامى يسد مش كدا يا إستاذة سها
سها تنظر لعلى وفى نبرة تساؤل بها وميض القلق :
عرفت منين إنى إشتغلت محامية ؟
على فى إفتعال المرح :
منك دلوقتى وبعدين هو إنتى مش خريجة حقوق ولا إيه ؟
سها فى نبرة شجن ومرارة وهى تنظر لعيناه بثبات :
معاك حق خريجة حقوق عين شمس يا دكتور
سها تنهض وفى إعتذار :
أستأذنك أنا شبعت
سها تكاد تبتعد عن على
على فى نبرة مؤكدة :
عارف ومنستش سها مراد
ــــــــــــ قطع ــــــــــــــ
إلى اللقاء فى الحلقة القادمة
يتبع ……….