العصفورة محبوسه جوه القفص

بقلم الشاعرة والصحفيه /خيريه الصباغ
أسيوط
العصفورة بتقول للعصفور حبسني ليه جوة القفص
وأنا عايزه أعيش
العصفور بيقول للعصفورة خليكي جو القفص
وأنا أجيب لك خير كتير
العصفورة بتقول للعصفور خدني معاك وأنت بتطير
العصفور بيقول للعصفورة أنا جايب لك قفص كبير
العصفورة بتقول للعصفور ربنا خلقني علشان أطير
العصفور بيقول للعصفورة أنا بس أللي أطير
العصفورة بتقول للعصفور انا من حقي أطير
العصفور بيقول للعصفورة
أنا خايف عليكي من الناس الوحشين
العصفورة بتقول للعصفور
أنا أهلي علموني كيف أطير
العصفور بيقول للعصفورة خليكي جوه القفص
يحسن اضربك وأجيب عصفورة غيرك ماتحبش تطير