إيمان مكاوي

لا الفراق والبُعد غيرنا

بس قدرنا … نكمل حياتنا وطريقنا عكس بعض

حبينا بعض … أيوه حبينا بعض

بس أحنا الأتنين عكس بعض

حاجة واحدة جمعتنا

أننا بنحب بعض

وأختلافنا في كل حاجة

ومنقدرناش نكمل بعض

مش كل اللى مشيوا ف طريق كملوه

ولا حد بيفارق … الفراق أختاروه

والحياه دوامه … دوامه … دوامه

فيها ياما … وياما … وياما

وأقولك أيه … وأحكيلك أيه على أنا فيه

بقلبي بروحلك مكان ما بتروح

ولما بفكر بحس بجروح

أكمل والا أرجع وأتحمل أهاتي

أتكلم وأقول والا ألزم سُكاتي