كلمات محمد غراب اسكندريه حاله

كلمات /محمد غراب

اسكندريه حاله

 وطبعا استحاله

تعيش فى حضنها

وتنسى حبها

الانفوشى الجميله

وبحرى والسياله

بوكلى ورشدى وزيزينيا

وعصافره ومندره

والعجمى والدخيله

والناس السكره

وكرموز والبياصه

وسويقه وفيها هيصه

وناس على الجيران

الطيبين حريصه

وابو قير الطيبه

م القلب قريبه

اسكندريه حلوه

وناسها مؤدبه

اسكندريه حاله

م العشق والحنين

والناس الطيبين

مهما تفوت السنين

حتفضل البلد

هيه هيه البلد

هى أجمل عروسه

وبيعشقها الولد

وفيها اللى اتولد

يطلع أرجل ولد

اضرب اكبر تحيه

للحلوه اسكندريه

تعظيم سلام يادنيا

لأهل اسكندريه

___حقوق الملكيه الفكريه محفوظه – لمؤلفها /محمد غراب