بقلم:هاني رشاد
جهزوا لجمعه جديده فاشله يا شباب دوروا علي كارثه وقصه جديده علشان رئيس فرنسا هيزور مصر شوفوا حد اتقتل ولا اتعذب في مصر وامشوا ورا عمر عفيفي الهارب الخاين وانا لا القي التهم جزافا ولكن في المقالات القادمه ان شاء الله سأنشر لكم من هو عمر عفيفي وبالمستندات. وانتم يا من تسمون انفسكم بالثورجيه وملاك الثوره انتم من تحاربون في صف اعداء الوطن تتكلمون عن بيع الارض طيب خلي حد غيركم يتكلم عن الارض والعرض وقولوا لنا من اين اموالكم بعد ان كنتم فقراء لا تملكون من حطام الارض شيئا من اين املاكك وملايينك يا اسماء محفوظ وكل شباب 6 ابريل وانتي يا اسراء عبد الفتاح وانت يا اخ حمدين اعلنت انك لا تملك اي رصيد غير 7 الاف جنيها مصريا من اين تنفق وطبعا الاعلام المكيف والاعلام الفاشل يساند هؤلاء الفشله لكن بالطبع تمن الخيانه مجزي وتتكلمون عن بيع الارض يا من بعتم العرض.
هل تظنون ان الرئيس عبد الفتاح السيسي مطالب انه يأخذ رأي الشباب اللي حتي الان مش عارف يرفع بنطلونه في قضايا تتعلق بالامن القومي وهل يجب ان يعلمنا بما يفعل رجال المخابرات مثلا وهل كل ما يعرف يقال.واخيرا بالنسبه لموضوع الجزرتين نحن نثق تمام الثقه في الرئيس عبد الفتاح السيسي ونعلم جيدا انه رجل عاشق لهذا البلد ويفعل ما يجعلها في امن واستقرار وان شاء الله في تقدم صابرون معك يا سياده الرئيس ولم ولن تدار مصر من شباب لسه بيسقط البنطلون وقاعد علي الفيس يخبط ويشوهه في صوره بلده جرب 1000 جمعه برده مصر قويه بشعبها وجيشها بس شعبها اللي بيحبها شعبها الرجال مش اشباه الرجال .
