كتب/وائل عادل
بتاريخ… 3/4/2016
انتي لسه بتراقبيني….طب فاكره لما قلتلك اوعديني…انك عمرك ماتسيبني
ومشيتي وقتلتي شوقي وحنيني
وانا اللي ضيعت معاكي عمري وسنيني
ومشيتي حتي من غير ماتبلغيني
ليه وامتي وعلشان ايه هتسبيني
دا انتي ياما خلتيني …في بعد زائف اسب ديني
ولا يابنتي دمع عيني…اللي ضيع ضي عيني
راجعه تاني تراقيبني …وعايزه تقولي بتحبيني
وتضحكي عليا بكلمتين …ونفسك اقولك من تاني نورتيني
لا ياغاليه …مش هتحصل حتي لو كنتي نور عيوني
نبض قلبي ونفسي وشجوني …حتي عقلي رافض انك ترجعيلي
اعذريني …ايوه اعذريني
انتي خنتي وانا اللي اتكويت طول سنيني
ماتجيش بكلمه تقولي بحبك ولحياتك ترجعيني
اعذريني …لو مكانك مش كنتي يوم هتسامحيني
اعذريني …قلبي نضف بعد طلوعك من حياتي …وكمان الدم نضف بشرايني
يعني انتي راجعه وعايزه اني اوافق تاني توسخيني
ولا راجعه تعيدي الضربه قاصده بيها تموتيني
اعذريني …مفيش رجوع ….كفايه سنين قلبي في بعدك بات موجوع
كفايه بقا وفي حالي سيبيني ….
ولا اقولك اقفلي كتابك وقطعي معاه الموضوع
انا اتعلمت وقلبي حالف ماينام تاني موجوع
#اعذريني
