فى حد مات؟؟ فى حد راح وماسابش غير الذكريات؟ أدعوله طب بالرحمة أو بالمغفرة ويا الثبات وأحنا بشر وكلنا أموات آفتنا هى السهو والهفوات
وده طبعنا من أول الأوقات
وهننسى بكرة ان الحقيقة ف عمرنا هى الممات
هننسى عادى مين اللى نام بين القبور
جايز يومين ندعيله أنه يكون ف نور
جايز ياخدنا الشوق ف يوم ونروح نزور
لكن أكيد هيعدى وقت وننسى فيه كل اللى فات
طب يابن آدم يلا فوق قبل الآوان
قبل اما يجوا يوم يقولوا فين فلان
ويرددوا يا سلام ده كان وكان وكان
بس النهاردة تعيشوا أنتوا أصله مات
