بقلم / منال راتب
ماشية في طريقي وانا تايهه
لقيته قدامي فجأة
مبقتش عارفة اعمل اية
وامشي ولا اسلم عليه
ده واحشني اكتر من روحي
وبعده زودلي جروحي
وقررت اروح اسلم عليه
لقيت قدامي واحد غريب
شارد بتفكيرة بعيد
شفني وجت عينه في عيني
من غير كلام ولا حتي سؤال
قال بعنيه كل الكلام
فينك يا عمري من زمان
في غيابك ضاع مني الحنان
تايه ولا عارف طريقي
وفي بعدك وقف بيا الزمان
سمعت كلامه من غير كلام
رديت وقولت حالك احسن من حالي
من يوم بعادك وانا مش عايشة
وكأنك كنت انت الحياة
لا حد حاسسني ولا فاهمني
والدنيا تملي بتخوفني
ما انت اللي كنت بتطمني
ومعاك حاسة كل الامان
اتمنيت ساعتها تقف حياتي
وانا ايدي حاضنه ايديه
مديت ايدي عشان اسلم
اتاريني كان متهيألي
ازاي وده كان قدام عيني
دنا قولت احلوت سنيني
ورجعتلي الفرحة من تاني
غمضت عيني لثانية
ومشيت طريقي من تاني
ادور عليه في كل الوجوه
يمكن يبقي الحلم حقيقة
واشوف حبيبي ولو دقيقة
دنا عايشة علي زكري ايامي معاه
