بقلم / سوزان احمد
هى حرب ولا ايه ————داخلين فيها بندوس على بعض ليه ؟؟؟
كله بياكل فى كله ———–كله بيتربص لصاحبه ده الدنيا مش باقية روح قوله
مش باقى غير عملك الطيب——– يتكلم بالنيابة عنك وعنى
اخرتها ايه؟؟ متر فى متر ————جواه حبه رمل والدود مننا فينا هايكلك وياكلنى
دى الدنيا اتخلقت سلم ———اما يطلعنا للجنة او ينزلنا منها
ليه الحرب ليه ؟؟ ده احنا فى ارض واحدة ———–خلقنا ربنا عليها ومنها
روحنا جينا مش هاناخد اكتر من رزقنا ——- اللى ربنا كتبهولنا
ليه ناذى بعضنا ليه ندمر بعضنا ؟؟———-ليه منقدمش الخير لبعضنا
هاتخسر ايه قولى ؟؟———ده انت هاتكسب رضا ربنا
وكل بذرة خير زرعتها ——–هاتحصد منها مزارع خير ليك ولنا
وكل بذرة شر زرعتها ——اول واحد انت اللى هاينضر منها
الخير دايم مستمر فى حياتنا ——–وهايفضل عايش حتى بعد مماتنا
سيبك من الناس ——– متغركش الدنيا والناس
اعمل الصح حتى لو محبكش الناس ——-حتى لو وقعت من عيونهم المهم ربك هو الاساس
خلى رضاه غاية تملى قلبك ——- وبكل ما فيه من احساس
هو ده المفيد اللى بيه هاتحلى حياتك —– وفى اخرتك هاتاخد ثوابك من رب الناس
